قصة راعي الجمس الله يرحمه

عدد المساهمات : 200 تاريخ التسجيل : 19/04/2009

السلام عليكم و رحمة الله و بركاته :

يا اخوه يا كرام يا من تصلون على النبي المصطفى ( صلى الله عليه و سلم )

كان ياما كان في سالف العصر و الاوان

كان فيه واحد نفسه في جمس جديد ( صالون ) يوم قرر اصطحب خويه
ورفيق دربه و قاله و ش ريك تخاويني على جده

قاله قدام و الريوس ورى

خوينا فرحان بسيارته الجديده و توه مطلعها من الوكاله و يا جمل ما يهزك
ريح
متوجه لديرته (زهران ) و يوم وصلو و كان الوقت متأخر ( ليل ) و كان
الجو فيه مطر غزير و الوادي توه على ممشاه

قاله خويه اشور عليك نبات في الجمس لين يصحي او نغير طريقنا

قاله و شلون نبي نبات لين الصبح ؟ الا و الله اني لشاق الشعيب
شق بها المطنوخ ما تدري انك راكب جمس اخر مديل 1980
صاح فيه خويه تكفى يا رفيقي والله اني كني اشوف منيتك
ونت طاب الوادي تكفى لا تروح .

نزل خويه من السياره و راعيها مصر على عبور الوادي الكبير

يا فلان تكفى يا فلان لا تروح لا تروح ؟؟؟؟؟؟؟

شوي ولا انوار الجمس تسطع في اعلا الجبل ؟؟؟؟؟ و بعد خمس دقايق
اختفى الجمس و انواره .

تدرون وين حصلوه ؟ حصلوه بعد شهر متعلق في شجرة طلحه هو سيارته
بعد ما حلل الماء كامل جسمه :و الى يومك هاذا السياره لا زالت في مكانها
و سلامتكم والله يكفينا و ياكم شر الاوديه

تقبلو تحياتي