ابو عمر
عدد المساهمات : 200
تاريخ التسجيل : 19/04/2009
 |  موضوع: مقلب بسيط من مقالب الشباب  الجمعة أبريل 24, 2009 2:19 am | |
| هذي قصة شباب سووا مقلب في خويهم
شوفوا وش صار ،،
يحكى أن فيه ثلاثة أخوياء كانوا مسافرين بالسيارة
وكان خويهم اللي راكب بالمرتبة الخلفية نايم
وهو من عادته إذا نام ماعاد يحس بشئ , يعني نومه ثقيل
عاد الإثنين اللي كانوا راكبين قدام قرروا يسوون فيه مقلب ..!
بعد التفكير وقفوا عند محطة مهجورة عالطريق وكان الوقت تقريباً نص الليل وقالوا بنتركه هنا ونروح ونخليه !
يوم نزلوه وحطوه عالأرض تلفتوا من حولهم ولقوا صندوق كبير يشبه التابوت ،
هنا عاد قرروا يغيرون الخطة جابوا ذا التابوت وحطوا خويهم فيه بعد مالفوا جسمه بغطاء أبيض ، يعني زي الكفن
وهم الإثنين تلثموا وغطوا وجوههم عشان مايعرفهم خويهم
بعد ماحطوه بالتابوت وغطوا وجوههم بدأوا يضربونه بشده لما قام من النوم
قام وهو مفجوع
قام واحد منهم وضربه على رأسه وقال له : من ربك..؟
قال : الله .
جاء الثاني وضربه على رأسه وقال له : ماهو دينك..؟
جاوب المسكين وقال : الإسلام .
عاد أخوياه للحين ماسكين أنفسهم لايتفجرون من الضحك لأن خويهم كان خايف ومرتبك ووجهه متلون
يعني شكله يضحك ...
قام واحد منهم وضربه كف على وجهه خلى رأسه يفر
وقال له : من نبيك..؟
عاد هنا خويهم ناظر باللي ضربه وقال :
ياخي لاتضرب بأقول لكم كل شئ أعرفه .
بهاللحظة أخوياه ماتحملوا الموقف وأنفجروا ضحك وشالوا اللثمات عن وجوههم وعرف أنه مقلب
ونزل
فيهم ضرب | |
|
الصقر
عدد المساهمات : 15
تاريخ التسجيل : 23/04/2009
| | موضوع: رد: مقلب بسيط من مقالب الشباب الإثنين أبريل 27, 2009 2:40 am | |
| مقلب حلوووووو تسلم يابوعمر  | |
|
أبو عيد
عدد المساهمات : 53
تاريخ التسجيل : 19/04/2009
| | موضوع: رد الإثنين أبريل 27, 2009 10:32 am | |
| مقلب شييييين الله لايحطني مكانه........يعطيك العافية | |
|
ابو عمر
عدد المساهمات : 200
تاريخ التسجيل : 19/04/2009
| | موضوع: رد: مقلب بسيط من مقالب الشباب الأربعاء أبريل 29, 2009 4:26 am | |
| | |
|
